योजनेचे उद्दिष्ट : राज्यातील प्रत्येक शाळेला मूलभूत किमान पायाभूत सुविधांनी सुसज्ज करण्यासाठी सर्वसमावेशक उपाययोजना सुरू करणे हा या योजनेचा उद्देश आहे. शाळेच्या इमारतीचे बांधकाम/नूतनीकरण, स्वच्छतागृहे/स्नानगृह, वसतिगृहाची सुविधा, खेळाचे मैदान बांधणे आणि सीसीटीव्हीसह शाळेच्या सुरक्षेसाठी लागणारी उपकरणे खरेदी करणे यासारख्या पायाभूत सुविधांमध्ये सुधारणा करण्यासाठी हे कर्ज दिले जाते. यात केवळ शाळेची इमारत व खेळाचे मैदान बांधण्याच्या उद्देशाने जमिनीच्या खर्चाचा समावेश आहे परंतु विभागाच्या पूर्वपरवानगीने एकूण कर्जाच्या रकमेच्या 50% पेक्षा जास्त नाही. पगार, खडू, डस्टर सारख्या उपभोग्य वस्तू, काच, प्लास्टिक, रसायने यासारख्या प्रयोगशाळेतील साहित्यावरील खर्चांचा समावेश मात्र त्यात होत नाही. वेतनेतर अनुदानांतर्गत ग्राह्य असलेल्या वस्तूंचा समावेश केला जाणार नाही.
साधनसुविधा कर्ज तथा अनुदान योजना शासकीय राजपत्र
